Чаллы шәһәренең 3 нче балалар поликлиникасы коллективы махсус хәрби операция ихтыяҗлары өчен питбайк тапшырган. Бу хакта “Татар-информ” клиниканың матбугат хезмәте мәгълүматларына таянып яза.
Баш табиб Альбина Шәйхетдинова тәкъдиме белән сатып алынган питбайкны «Навигатор успеха» проекты волонтерларына тапшырганнар. Техниканы алар СВО зонасына китерәчәк.
«Кадерле саклаучыларыбыз, безнең терәгебез! Авыр хезмәтегез, батырлык һәм каһарманлыгыгыз өчен, ватаныбыз, туганнарыбыз һәм киләчәгебез сагында торуыгыз өчен сезгә рәхмәт белдерергә телибез», – дип мөрәҗәгать иткән поликлиниканың баш шәфкать туташы Әлфия Фатыйхова.
«Навигатор успеха» проекты җитәкчесе Ольга Айдимирова билгеләп үткәнчә, питбайклардан фронт сызыгына кадәр хәрби кирәк-ярак һәм беренче чиратта кирәкле товарлар китерү өчен файдаланыла. Питбайк һөҗүм очрагында, автомобильдән аермалы буларак, хәтәрдән тиз генә качып котылу мөмкинлеге бирә.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез