“Знание” җәмгыятенең персонал белән эшләү департаменты директоры Маргарита Богданова-Шемраева “ТАСС” хәбәрчесе белән әңгәмәсендә шулай дип белдергән.
Белгеч аңлатып үткәнчә, “отпускной” махсус формула буенча исәпләнелә, һәм ял аендагы эш көннәре саны түләүгә сизелерлек йогынты ясый. “Май аенда чираттагы ял алу киңәш ителми: бу айда бәйрәм көннәре күп булганлыктан, “отпускной” азрак чыга. Күбрәк акча аласыгыз килсә, чираттагы ялны башка айларга планлаштырыгыз, дигән Богданова-Шемраева.
Аның сүзләренә караганда, быел апрель, июль, сентябрь, октябрь һәм декабрь айлары ял алу өчен иң отышлы булачак. Бу вакытта иң отышлысы – июль: ул 23 эш көненнән тора.
Сүз уңаеннан, хәзерге вакытта Татарстанда “Кадрлар” илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез