2025 ел башыннан Татарстан тупланма бюджеты керемнәре 13 процентка артып 338,4 миллиард сум тәшкил иткән. Бу хакта республиканың финанс министры урынбасары Алла Анфимова әйтте.
“Узган елның гыйнвар – июль айлары белән чагыштырганда, тупланма бюджет керемнәре 39,8 миллиард сумга, ягъни 13 процентка күбрәк”, – диде ул.
Аның әйтүенчә, 1 августка республика территориясеннән салым һәм салым булмаган керемнәр 971,9 миллиард сум тәшкил иткән. Үсеш – 11 процент. Әлеге сумманың 65 проценты – федераль бюджетка, калганы – республиканың тупланма бюджетына киткән. “Бу елның җиде аена алынган саннардан күренгәнчә, Татарстан тупланма бюджетының төп керем чыганаклары – физик затларның кеременә салым (33 процент), табышка салым (26 процент) һәм салым булмаган керемнәр (12 процент)”, – диде Алла Анфимова.
Сүз уңаеннан, хәзерге вакытта “Нәтиҗәле конкурентлыкка сәләтле икътисад” илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез