Фәрид Абдулганиев Айдар Метшин белән очрашты

Бүген Дәүләт Советы Рәисе Фәрид Абдулганиев Татарстаннан сайланган РФ Федераль Собраниесе Дәүләт Думасы депутаты, Конкуренцияне яклау комитеты әгъзасы Айдар Метшин белән очрашты. Очрашу республика парламентында узды, дип хәбәр итте Татарстан Республикасы Дәүләт Советы матбугат хезмәте.

Парламентарийлар Россия парламентының түбән палатасында Татарстанның мәнфәгатьләрен алга этәрү буенча уртак законнар чыгару, дәүләт программалары һәм илкүләм проектларда катнашу аша республика икътисадына федераль акчалар җәлеп итү, шулай ук билгеләнгән сайлау округында гражданнар мөрәҗәгатьләре белән эшләү буенча фикер алыштылар.

БЕЗНЕҢ МАКС КАНАЛЫНА ЯЗЫЛЫГЫЗ!