Татарстан Дәүләт Советы Рәисе Фәрит Мөхәммәтшин ТНВдагы телемарафонда гаилә елына йомгак ясады. Парламент җитәкчесе сүзләренчә, Гаилә елы тәмамланса да, республикада гаиләләргә ярдәм күрсәтү дәвам итә.
- Безнең илдә һәм республикада гаилә традицияләре бик көчле. Гаилә — җәмгыять нигезе, өй җылысы, ярдәм һәм үзара ышаныч, - диде Фәрит Мөхәммәтшин.
Парламент рәисе сүзләренчә, шәхес буларак кеше гаиләдә формалаша башлый.
Саннарга килгәндә, хәзерге вакытта Татарстанда 480 мең балалы гаиләләр яши. Аларның 55 меңнән артыгы - күпбалалы.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез