29 сентябрь 2026 Яңалыклар

Фитнес-тренер тәмәке тартучы өчен спорт белән шөгыльләнүнең нинди куркыныч тудыруын әйте

Спорт белән шөгыльләнүне тәмәке тарту, йокы туймау һәм дөрес тукланмау белән берләштерү күнегүләр вакытында хәлнең начараюына китерергә мөмкин. Кайбер очракларда кеше аңын югалта ала. Бу хакта «Татар-информ»га фитнес-тренер Станислав Милославский сөйләде.

«Әгәр тәмәке тартучы кеше спорт белән шөгыльләнә башласа, физик күнегүләр аның хәленә тискәре йогынты ясарга мөмкин. Әлбәттә, нәтиҗәләр күп факторларга бәйле: кеше ничә тапкыр һәм күпме тәмәке тарта, йокысы туямы, ничек туклана һ.б. Әмма кешенең йокысы туймый, ул дөрес тукланмый һәм өстәвенә тәмәке дә тарта икән, күнегүләр вакытында ул аңын югалтырга мөмкин», – диде ул.

Белгеч сүзләренчә, физик йөкләнеш вакытында кан тамырлары киңәя, ә кан басымы беразга күтәрелә. Тәмәке тарту исә кан тамырларына кире йогынты ясый: алар тарая, шул ук вакытта кан басымы да күтәрелергә мөмкин.

Шулай итеп, интенсив физик йөкләнешне тәмәке тарту һәм организмның җитәрлек дәрәҗәдә ял итмәве белән берләштерү йөрәк-кан тамырлары системасына өстәмә йөкләнеш тудыра. Шуңа күрә даими рәвештә күнегүләр ясый башлаганчы, организмның гомуми хәлен, йокы һәм туклану режимын, шулай ук кулланылган тәмәке күләмен исәпкә алу мөһим.

Сүз уңаеннан, хәзерге вакытта Татарстанда «Һәр кешегә сәламәтлек» төбәк проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга