"Голос.Дети" финалисты Сәид Галиуллин гаиләсе белән ТНВдагы телемарафонда катнашты

"Голос.Дети" финалисты, сәләтле җырчы Сәид Галиуллин үзенең гаиләсе белән ТНВдагы телемарафонда катнашты. 

Галиуллиннар - җырлы-моңлы гаилә. Яшь җырчының әнисе «Батыр егетләр» ансамбле җитәкчесе - Эльвира Сәлахова. Айрат Галиуллин - авыл хуҗалыгы тармагында эшли.

- Минем әнием бик талантлы җырчы, ә әтием батыр егет, - диде Сәид Галиуллин.

Эльвира ханым гаиләдәге традицияләр турында да сөйләде.

- Ел саен Яңа елда шәһәр читендәге кечкенә генә йортыбызга барабыз. Бергәләшеп чыршы бизибез, - диде ул телемарафонда.

Алар тамашачыларга Татарстан турында җыр да бүләк итте.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!