Республикада җылы, шул ук вакытта тотрыксыз һава торышы урнашты.
Ял көннәрендә циклон көнчыгышка таба күчәчәк. Шуңа да республиканың көнчыгыш районнарында төнге сәгатьләрдә яшенле яңгыр явуы ихтимал. Шимбә – 9 августта көндезге сәгатьләрдә Татарстан буенча уртача температура +21...+26 градуска кадәр күтәреләчәк. Төнлә +12...+17 градус. Якшәмбе – 10 августта урыны белән кыска вакытлы, ә кайбер районнарда яшенле көчле яңгырлар көтелә. Төнге сәгатьләрдә терекөмеш баганасы +12...+17 градусны күрсәтсә, көндез температура +25 градустан артмаячак.
Гидрометеоүзәкнең башлангыч фаразына караганда, киләсе атна башында һава торышы шулай ук тотрыксыз булачак. Көндезге сәгатьләрдә температура +20...+25 градуска кадәр күтәреләчәк. Кыска вакытлы яңгырлар көтелә.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез