Җиңүнең 80 еллыгы алдыннан, Татарстан Халыклар ассамблеясе һәм Дуслык йорты хезмәткәрләре Бөек Ватан сугышы музей-мемориалы вәкиле белән берлектә, Казанның Архангел зиратындагы хәрбиләр каберләрен тәртипкә китергәннәр. Бу хакта Мәдәният министрлыгы хәбәр итә.
Акциядә катнашучылар каты яраланудан Казан госпитальләрендә вафат булган исемсез солдатлар җирләнгән 8 туганнар каберлеген чистарткан. Алар төп мемориалдан ераграк урнашкан. Шуңа күрә бу каберлекләр аерым игътибар таләп итә.
Каберләрне тәртипкә салу өчен 12 капчык ком, кирәк-ярак китерелгән. Акциядә катнашучылар каберләрне чүп-чардан, чүп үләннәрдән арындырган, мемориаль плитә һәм бордюрларны чистарткан, каберләр өстен ком җәеп тигезләгән.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез