16 февраль 2026 Яңалыклар

Казан хастаханәсеннән бинтка уралган авыруның качуына бәйле хәлгә аңлатма бирделәр

Узган ялларда социаль челтәрләрдә бинт белән чорналган ир-атның Казандагы 7 нче хастаханәдән качып китеп, автобус тукталышына таба йөгерүен сурәтләгән видеоязма таралган иде.

“Татар-информ” агентлыгына медицина учреждениесенең матбугат хезмәтеннән сөйләп үткәнчә, ир-атны “Ашыгыч ярдәм” медиклары хастаханәгә алып килгән.

Ниндидер бер мизгелдә ул бәдрәфкә барып киләсе иткән һәм шуннан юк булган. Табиблар бу хәл турында шундук полициягә хәбәр иткән Агентлыкка Казан Сәламәтлек саклау идарәсендә сөйләп үтелгәнчә, “Ашыгыч ярдәм” медиклары тиешле адрес буенча барып, качкын ир-атны яңадан дәвалау учреждениесенә алып килгән.

Ул үзенә медицина ярдәм күрсәтүдән баш тарткан. Хастаханәдән качып китүе сәбәбен, имештер, фатирына сөяркәсенең ут төртмәкче булуын хәбәр итүләре белән аңлаткан.

Сүз уңаеннан, хәзерге вакытта Татарстанда “Һәр кешегә сәламәтлек” төбәк проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

" нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"