Татарстан башкаласында язның икенче ае башыннан бирле бишенче тапкыр температура рекорды яңартылды. Бу хакта ТР Гидрометеорология үзәге хәбәр итә.
Кичә, 24 апрельдә, «Казан» метеостанциясендә термометр баганалары +24,5 градуска, «Казан-Аэропорт» авиация метеостанциясендә +24,1 градуска, ә «Казан – Сокол» авиация метеостанциясендә +24,4 градуска кадәр күтәрелде.
24 апрельдә Казанда температураның абсолют максимумы ике ел элек, 2023 елда, «Казан-Аэропорт» метеостанциясендә теркәлгән иде: ул вакытта ул +22,8 градуска җиткән иде. Элек шундый ук температура фоны дәрәҗәсе 1975 елда «Казан» метеостанциясендә теркәлгән.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез