Казанда балалар өчен яңа стоматология поликлиникасы ачылды

Бу сөенечле хәбәр белән үзенең МАКС каналында Татарстанның сәламәтлек саклау министры Альмир Абашев уртаклашты.  

Стоматология Совет урамы, 22а адресы буенча эшли. Монда Казанның Совет районында, шулай ук республиканың Биектау һәм Арча районнарында яшәүче балаларга хезмәт күрсәтеләчәк. Бүлектә заманча медицина җиһазлары урнаштырылган, балалар һәм аларның ата-аналары өчен уңайлы шартлар тудырылган.

Сүз уңаеннан, хәзерге вакытта Татарстанда “Һәр кешегә сәламәтлек” төбәк проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!