Казан “миллионер” шәһәрләр арасында ипотека алу өчен иң кулай булмаган шәһәргә әйләнгән. ЦИАН белгечләре исәпләп чыгарганча, Татарстан башкаласында ипотека түләве аренда түләвеннән 2,9 тапкыр кыйммәтрәк.
Казанда 1 бүлмәле фатирны арендага алып тору аена 33,6 мең сумга төшсә, шундый ук фатирны ипотекага алганда, айлык түләү 97,3 мең сум тәшкил итәчәк, дип яза “РБК”.
Рейтингта икенче урында – Уфа. Биредә ипотека түләве аренда түләвенә караганда 2,6 тапкыр кыйммәтрәк. Бәяләр нисбәте исә: 65,4 мең сум һәм 25,6 мең сум.
Өченче урынга берьюлы дүрт шәһәр – Мәскәү, Санкт-Петербург, Омск һәм Красноярск чыккан. Бу шәһәрләрдә ипотека түләве аренда түләвеннән 2,5 тапкыр зуррак. Мәсәлән, Мәскәүдә бер бүлмәле фатирны арендага алып тору аена 72,3 мең сум чамасы торса, ипотека түләве – 179,6 мең сум.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез