Бүген иртән Казанның Маршал Чуйков белән Бондаренко урамнары чатындагы авариядә самокатчының гомере өзелгән. Бу хакта язган идек. «Татар-информ»га җирле Дәүләт автомобиль инспекциясеннән хәбәр ителгәнчә, фаҗига сигезенче яртылар тирәсендә булган.
«Suzuki (Яңа Савин районында яшәүче 52 яшьлек хатын-кыз рульдә булган), сулга борылганда, каршы яктан килүче BMW X5 машинасына (рулендә – Мәскәү районында яшәүче 41 яшьлек ир-ат) килеп бәрелгән. Бәрелешү сәбәпле, BMW тротуарга «очып», самокатта баручы 48 яшьлек ир-атны таптаткан», – дип сөйләп үткән агентлык хәбәрчесенә полиция капитаны Алмаз Садыйков.
Самокаттагы ир-ат шундук һәлак булган. Suzuki йөртүче, җәрәхәтләнеп, хастаханәгә озатылган.
Сүз уңаеннан, хәзерге вакытта Татарстанда «Юл хәрәкәте иминлеге» төбәк проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез