Казанда урамда йөргәндә апаларыннан качып киткән малайны эзлиләр

Кичә Казанда урамда йөргәндә апаларыннан качып киткән баланы эзлиләр. Малайның әти-әнисе социаль челтәрләрдә бу хакта хәбәр урнаштырган, дип яза “KazanFirst”.

Малайның үзе белән телефоны юк. Аксыл-зәңгәрсу төстәге рәсемле толстовка, карасу джинсы кигән, рюкзагы бар. Баланың буй озынлыгы – 170 сантиметр чамасы. Пост авторы – үсмернең әтисе баласын күрүчеләрдән хәбәр бирүне сорый.

Малай кичә кичке 7ләр тирәсендә апалары белән урамга чыккан. Урамда йөргәндә, алардан качып китеп, юк булган. Әлегәчә өенә кайтмаган.