Казанда Россия көненә багышланган традицион «Дуслык Парады» акциясе үтте. Милли киемнәрен кигән 50гә якын халык вәкиле Кремль территориясе буйлап узды.
«Традицион дуслык парадында Татарстан территориясендә яшәүче милли-мәдәни автономияләр катнаша. Шул рәвешле без республикабыздагы барлык халыкларның милләтара һәм конфессияара татулык һәм килешүдә яшәвен күрсәтәбез. Бүген парадка 50гә якын милләт вәкиле чыкты», - дип билгеләп үтте Татарстан халыклары ассамблеясе башкарма комитеты җитәкчесе Ринат Вәлиуллин.
Парад Спас манарасы янында башланып китте. Парадта Идел буе халыкларының традицион киемнәрен генә түгел, ә немецларның, кытайларның һәм хәтта колумбиялеләрнең һәм башка милләтләрнекен дә күрергә мөмкин иде.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез