Эксперимент өч ел – 2028 елның азагына кадәр дәвам итәчәк. Бу хакта «РИА Новости» Дәүләт Думасының Сәламәтлек саклау комитеты әгъзасы Юлия Дрожжина сүзләренә таянып яза.
Программада катнашу – мәҗбүри түгел. Аңа кушылу өчен 2027 елның 30 сентябренә кадәр гариза тапшырырга кирәк. Үзмәшгуль иминият суммасын (35 мең яки 50 мең сум) үзе сайлый. Айлык взнос күләме шуңа бәйле булачак.
Чирләп киткәндә түләү алуга хокук взносларны алты ай өзлексез түләгәннән соң барлыкка килә. Елына бер тапкыр иминият шартларын (сайлап алынган сумманы) үзгәртү рөхсәт ителә.
Дрожжина әйтүенчә, үзмәшгульләрне социаль яклау зарурилыгына бәйле чара бу: аларның яртысы диярлек, төп эш урынына ия булмаганлыктан, чирләп китү очракларында социаль гарантияләрдән мәхрүм.
Хөкүмәт, программаның пилот рәвешендә өч ел гамәлдә булганнан соң нәтиҗәсен бәяләп, аны алга таба куллану-кулланмау мәсьәләсен караячак.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез