16 февраль 2026 Яңалыклар

Курск өлкәсендәге хәрби хәрәкәтләрдә катнашучылар хөрмәтенә урам пәйда булган

Корея Халык Демократик Республикасы (КХДР) башкаласы Пхеньянда Курск өлкәсен Украина кораллы көчләреннән азат итүдә катнашкан каһарман хәрбиләр хөрмәтенә Сэбёль (“Яңа йолдыз”) дигән урам төзегәннәр.

Урамны ачу тантанасында дәүләт башлыгы Ким Чен Ын катнашкан, дип яза “ТАСС”, ЦТАК агентлыгы мәгълүматларына таянып.

“Сэбёль урамында бөек Ватаныбызның үлемсез намусы һәм мәңгелек чәчәк атуы хакына бернинди шикләнүсез гомерләрен дә кызганмаган геройларыбыз – чит илнең махсус хәрби операциясендә катнашкан хәрбиләребезнең искитмәле батырлыклары йолдызлар кебек чагылдырылган монументаль архитектура корылмалары калкып чыкты”. – дип басым ясап әйтелгән ЦТАК хәбәрендә.

Моңа кадәр Ким Чен Ын һәлак булган хәрбиләрнең гаиләләре әгъзалары хөрмәтенә яңа урам төзү турында боерыкка кул куеп, төзелешне шәхсән үзе контрольдә тоткан. Исегезгә төшерәбез: 10 февральдә тышкы эшләр министры Сергей Лавров Курск өлкәсен Украина боевикларыннан азат итүдәге ярдәме өчен Россиянең КХДРга зур рәхмәтле булуын, Мәскәү белән Пхеньян арасындагы хәрби тугандашлыкның ике ил халкы файдасына үзара файдалы хезмәттәшлек проектларында чагылыш табачагын белдерде.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

СВО, эвакуированные, эвакуируемые, донбасс, днр, лнр , донецк , луганск , донецкая , луганская , переселенцы , украина , фейк , санкции , импортозамещение , "служба по контракту" , мобилизация , мобилизованные , "специальная военная операция" , "герой ро