Махсус хәрби операциядә катнашкан 1061 хәрби хезмәткәр “Батырлар. Герои Татарстана” проектында катнашуга гариза тапшырган.
Сайлап алу этабы аша уңышлы узган кандидатлар Казан (Идел буе) федераль университетының Дәүләт һәм муниципаль идарә югары мәктәбендә махсус программа буенча укытылачак.
Проектка махсус хәрби операция ветераннары, шулай ук СВОда катнашучылар җәлеп ителә. Заявкалар 30 мартка кадәр кабул ителә, дип яза “Татар-информ”.
Исегезгә төшерәбез: махсус хәрби операциядә катнашучыларны яңа һөнәргә өйрәтүгә юнәлдерелгән “Время героев” программасына охшаш проект бу. Хәрби хезмәткәрләр яңа белемгә, яңа эш тәҗрибәсенә ия булып, Татарстанда дәүләт һәм муниципаль идарә системасында, башка өлкәләрдә җитәкчеләргә әйләнергә мөмкин.
Россия Кораллы көчләре сафларында контракт буенча хезмәт итү, премияләр, ташламалар һәм түләүләр турында heroes-tatarstan.ru сайтында һәм 117 телефон номерына шалтыратып белергә була.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез