Мәдәни үсеш үзәгендә Яшел Үзән районы депутатлар советының беренче сессиясе узды. Анда ТР Дәүләт Советы депутаты Марат Әхмәтов, ТР Дәүләт Советы депутаты Ирина Терентьева, предприятие һәм оешма җитәкчеләре катнашты.
Марат Әхмәтов ТР Рәисе исеменнән Яшел Үзән районы башлыгы вазыйфасына Михаил Афанасьевны тәкъдим итте.
"Яшел Үзән – Казан янындагы аерым субъект, район ике зонага бүленгән. Без барыбыз да аңлыйбыз: территориянең үсеше районны, шәһәрне яки республиканы җитәкләгән беренче заттан, аның абруеннан, тәҗрибәсеннән, халык белән бергә була белүеннән тора. Михаил Павлович район белән биш елдан артык уңышлы җитәкчелек итә. Әгәр минем тавыш бирергә хокукым булса, мин аның кандидатурасы өчен тавыш бирер идем", - диде Әхмәтов.
Яшерен тавыш бирү нәтиҗәләре буенча Афанасьев кабат район башлыгы итеп сайланды.
Сүз уңаеннан, хәзерге вакытта Татарстанда “Кадрлар” илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез