Кайбыч районы үзәгендә ял паркында төзекләндерү эшләре дәвам итә. Район башлыгы Альберт Рәхмәтуллин Олы Кайбычта урнашкан ял паркында төзекләндерү эшләре барышы белән танышты. Бу хакта «Кайбыч таңнары» газетасы яза.
Ремонтны Фәнис Хәйруллин җитәкчелегендәге «Вика» төзелеш фирмасы алып бара. Эш барышын карауда район башкарма комитеты җитәкчесенең төзелеш, торак-коммуналь хуҗалыгы мәсьәләләре буенча урынбасары Елена Давыдова да катнашты.
Төзүчеләр ял паркында сәхнә ясаган, хәзер аның тирәсенә брусчатка җәяләр. Ясалма күл тирәли дә яңа брусчатка түшәлгән. Үскән үләннәрне шушы көннәрдә чаптыру бурычы куелды. Чишмә тирәсен тәртипкә китерү, яктырткычлар урнаштыру, брусчатка җәюне дәвам итү һәм башка эшләрне вакытында сыйфатлы итеп башкарып чыгу турында сөйләшү булды, диелә хәбрәдә.
Сүз уңаеннан, хәзерге вакытта Татарстанда “Яшәүөчен инфраструктура” илкүләм проекты гамәлгәашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез