09 ноябрь 2026 Яңалыклар

Робот-чистартучылар Казанда 280 ишегалды җыештыручыны алыштырачак

Казанның идарә компанияләре йорт яны территорияләрен карап тору өчен 28 «Пегас» автоном робот-чистартучыга заказ биргән. Бу хакта ТР башкаласы башкарма комитеты җитәкчесе урынбасары Искәндәр Гыйниятуллин эшлекле дүшәмбедә хәбәр итте.

Искәндәр Гыйниятуллин сүзләренчә, бу роботлар Казандагы ишегалды чистартучыларның 877 кешелек дефицитын өлешчә капларга мөмкинлек бирәчәк.

«Операторлар инде әзерлек узган. Роботлар алыштырыла торган өлешләр белән җиһазландырылган: кышын аларны кар чистарту өчен, җәен чүпләрне себерү өчен кулланырга планлаштыралар», – дип билгеләп үтте Гыйниятуллин.

Дөрес кулланылган очракта, һәр робот унлап көрәкле кешене алыштыра ала. Шулай итеп, 28 машина якынча 280 кеше урынына эшләячәк.

Сентябрь аенда Казан мэриясенең матбугат хезмәте хәбәр иткәнчә, шәһәрнең бер предприятиесендә ике модель робот-чистартучыны җиһазлар белән сынап караганнар. Салкын чорда машиналар кар чистарткыч белән, ә җылы вакытта себеркеләр һәм газон чапкычлар белән җиһазландырылырга мөмкин.

Сүз уңаеннан, хәзерге вакытта «Яшәү өчен инфраструктура» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга