Россия төбәкләрендә бер төндә Украинаның 121 пилотсыз очу аппараты юк ителгән

Һава һөҗүмнәреннән саклану көчләре узган төндә Россия төбәкләрендә 121 Украина пилотсыз очкычын юк иткән, дип хәбәр итте РФ Саклану министрлыгы.

89 дрон Кырым территориясендә, 23 — Кара диңгез акваториясендә, дүртесе – Краснодар крае территориясендә, икесе – Орлов өлкәсе территориясендә, берсе – Азов диңгезе акваториясендә, берсе – Брянск өлкәсе территориясендә, шулай ук тагын берсе Белгород өлкәсе территориясендә юк ителгән.

Зыян күрүчеләр һәм җимерелүләр турында мәгълүматлар юк.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!