09 ноябрь 2026 Яңалыклар

Россиядә каен серкәсенә аллергиядән вакцина ясый башлыйлар

Россиядә каен серкәсенә аллергиядән дәвалаучы һәм саклаучы үзебездә җитештерелгән препарат рәсми рәвештә теркәлде һәм кулланылышка кертелде. Бу хакта Россия Федерациясе Хөкүмәте Рәисе урынбасары Татьяна Голикова «Курчатов институты» милли тикшеренү үзәгендә узган IV Халыкара табигатькә охшаш технологияләр форумының пленар утырышында белдерде.

«Аллергарда» дип аталган вакцина каен серкәсенә сизгерлек аркасында барлыкка килә торган аллергик риноконъюнктивитны кисәтү һәм дәвалау өчен эшләнгән. Ул шулай ук алма, шәфталу (персик), соя һәм җир чикләвеге кебек ризыкларга карата булган аллергияне дә җиңеләйтергә ярдәм итә.

Прививка курсы ай саен ясала торган биш уколга кадәр дәвам итә. Аны чәчәк ату сезоны башланганчы, көз һәм кыш айларында үткәрү планлаштырыла. Яңа сезон алдыннан ил буенча 60 меңгә кадәр кешегә прививка ясау күздә тотыла.

Вице-премьер сүзләренчә, әлеге медицина юнәлеше алга таба да актив үстереләчәк. Киләсе, 2027 елда, Россия гражданнарына мәҗбүри медицина иминияте (ОМС) полисы кысаларында тагын ике индивидуальләштерелгән яңа препарат бушлай бирелә башлаячак. Алар тире меланомасын һәм ашказаны-эчәк тракты шешләрен дәвалау өчен булдырылган.

Сүз уңаеннан, хәзерге вакытта Татарстанда «Һәр кешегә сәламәтлек» төбәк проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга