Газетага язылу
25 декабрь 2025 Яңалыклар

Рөстәм Миңнеханов икътисад өчен кадрлар әзерләү буенча Россия Дәүләт Советы утырышында катнашты

Татарстан Рәисе Рөстәм Миңнеханов бүген Мәскәүдә узган Россия Федерациясе Дәүләт Советы утырышында катнашты. Бу хакта Татарстан Рәисе матбугат хезмәтенә сылтама белән «Татар-информ» хәбәр итә.

Утырышны Россия Президенты Владимир Путин алып барды. Чараның төп темасы – Россия икътисады өчен кадрлар әзерләү иде.

Президент билгеләп үткәнчә, икътисад өчен кадрлар әзерләү мәсьәләсе һәр төбәк һәм тармак өчен мөһим. «Кадрлар мәсьәләләре бүген генә түгел, ул безнең илнең үсеше өчен фундаменталь мәсьәлә», – диде ул.

Путин искәрткәнчә, быел 19 илкүләм проектны гамәлгә ашыру башланды, аларның сигезе Россиянең технологик лидерлыгын тәэмин итүгә юнәлдерелгән. Барлык илкүләм проектлар бер-берсе белән бәйле һәм илнең тотрыклы үсешен тәэмин итү һәм суверенитетын ныгыту максатына хезмәт итә.

Утырышта Президент 2026 елны Россия халыклары бердәмлеге елы дип игълан итте.

 

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

минниханов, миңнеханов, «милли проектлар», «национальный проект», «Профессионалитет», илкүләм проект, Илкүләм проектлар, милли проект, нацпроект,

Охшаш язмалар

Комментарий 0

Фикер өстәү

Фикерегез

Көн хәбәре