Рәиснең матбугат хезмәте җитәкчесе Лилия Галимова үзенең телеграм-каналында шул хакта хәбәр итә.
Галимова үзенең постына видео куйган. Рөстәм Миңнеханов анда сатучылар белән, халык белән аралаша, шулай ук товарларны карый-бәяли. Рәис бер кибеттә имән ботакларыннан ясалган мунча себеркесенә игътибар иткән. Казанда яшәүче бер ир-ат белән сөйләшкәндә, тегесе сатып алган алманы мактый.
“Әйбәт продукт кирәк булса, базарга кем белән килергә икәнен беләсездер”, – дип язган Галимова.
Сүз уңаеннан, бүгенге көндә Татарстанда “Технологик яктан азык-төлек куркынычсызлыгын тәэмин итү” илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез