25 декабрь 2025 Яңалыклар

Рөстәм Миңнеханов Россия Үзәк банкының партнерлык финанславы буенча киңәшмәсендә катнашты

Бүген Мәскәүдә Рөстәм Миңнеханов Россия Федерациясе Үзәк банкында узган киңәшмәдә катнашты. Очрашу Үзәк банк башлыгы Эльвира Нәбиуллина рәислегендә үтте. Бу хакта Татарстан Рәисенең матбугат хезмәте хәбәр итә.

Фикер алышуга шулай ук AAOIFI (Ислам финанс институтлары өчен бухгалтерлык исәбе һәм аудит оешмасы) Попечительләр советы рәисе шейх Ибраһим Бән Хәлифа Әл-Хәлифа да кушылды. Сөйләшүләрнең төп темасы партнерлык финанславын кертү буенча экспериментны тормышка ашыру булды.

Рөстәм Миңнеханов республика башлангычларына ярдәм иткәне һәм экспериментны үткәрүдәге катнашы өчен Эльвира Нәбиуллинага рәхмәт белдерде. Татарстан Рәисе шейх Ибраһим Бән Хәлифа Әл-Хәлифага һәм AAOIFI оешмасындагы хезмәттәшләренә аерым рәхмәтен җиткерде.

Киңәшмәдә катнашучылар Татарстанда ислам финанславы хезмәтләрен күрсәтүче берничә банк эшләвен һәм бу базарның эзлекле рәвештә үсүен билгеләп үттеләр. Шейх Ибраһим Бән Хәлифа Әл-Хәлифа үзенең чыгышында пилот проектын тормышка ашыру үрнәге итеп нәкъ Татарстан тәҗрибәсен кулланып сөйләде.

Яклар экспериментның бүгенге нәтиҗәләре турында фикер алыштылар. Шулай ук Казан шәһәрендә ачылырга тиешле AAOIFI вәкиллек үзәге белән үзара хезмәттәшлек итү мәсьәләләрен карадылар.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

минниханов, миңнеханов, Рөстәм Миңнеханов, Татарстан Рәисе, раис, "нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",