16 декабрь 2025 Яңалыклар

Рөстәм Миңнеханов SANY Кытай компаниясе вәкилләре белән очрашты

Бүген Татарстан Республикасы Рәисе Рөстәм Миңнеханов SANY Кытай компаниясе вәкилләре белән очрашуда хезмәттәшлек мәсьәләләре турында фикер алышты.

Очрашу ТР Хөкүмәте Йортында узды.

Кунакларны сәламләп, Рөстәм Миңнеханов билгеләп үткәнчә, бүген Кытай коллегалары белән яхшы эшлекле мөнәсәбәтләр урнашкан. «Без Кытай партнерлары белән актив эшлибез, - диде ул. - Һәм яңа проектлар белән кызыксынабыз. Татарстан Кытай белән хезмәттәшлекне үстерүгә зур әһәмият бирә».

Искәртәбез, SANY - бөтен дөньяда танылган халыкара компания, ул авыр җайланмалар, төзелеш һәм башка махсус техника җитештерү белән шөгыльләнә. Компания Россиядә дә бар - берничә логистик үзәге һәм складлары бар.

Очрашу барышында Рөстәм Миңнеханов искәрткәнчә, 2017 елда ул SANY компаниясе җитештерүендә булган һәм Хунань провинциясенә визиты барышында зур тәэсирләр кичергән.

Белешмә өчен:

2023 елда Рөстәм Миңнеханов компания вәкилләре белән Казанда «РОСТКИ: Россия һәм Кытай – үзара файдалы хезмәттәшлек» халыкара форумында очрашкан иде.

2025 елның августында «РОСТКИ» форумы кырларында SANY Group вәкилләре белән Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Олег Коробченко очрашкан иде.

Сүз уңаеннан, хәзерге вакытта “Нәтиҗәле конкурентлыкка сәләтле икътисад” илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

минниханов, миңнеханов, " нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"