10 сентябрь 2026 Яңалыклар

Рөстәм Миңнеханов: «Татарстанда бер көндә җиде яңа спорт объекты ачылды»

Татарстанда бер көндә җиде яңа спорт объектын ачу тантанасы булды.

Татарстан Рәисе Рөстәм Миңнеханов үзенең МАХ каналында ачылышлардан фотосурәтләр белән уртаклашты.

«Районнарда тагын дистәләгән мең татарстанлы ел әйләнәсе футбол һәм хоккей уйный, тимераякта шуа һәм спорт белән шөгыльләнә алачак!» – диде Республика җитәкчесе.

Лениногорск, Алексеевск, Чүпрәле һәм Теләче районнарында футбол манежлары, Аксубай, Тукай һәм Яңа Чишмә районнарында ясалма бозлы өч ябык шугалак ачылды. Татарстан Рәисе Теләче һәм Тукай районнарындагы тантаналы вакыйгаларда катнашты.

«Без киләчәктә дә республика халкына спорт белән шөгыльләнү өчен шартлар булдыруны дәвам итәрбез. Заманча объектларда балалар да, профессиональ спортчылар да күнекмәләрен ныгыта алырга тиеш. Егет-кызларыбыз Татарстан данын Россия һәм дөнья дәрәҗәсендәге ярышларда лаеклы рәвештә яклый алсын өчен барысын эшләрбез!» – дигән ул.

БЕЗНЕҢ МАКС КАНАЛЫНА ЯЗЫЛЫГЫЗ!

минниханов, миңнеханов, " нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"