Рөстәм Миңнеханов Татарстанда яшәүчеләрнең аерылышу сәбәпләрен ачыкларга кушкан

Республика демографлары соңгы биш елда татарстанлыларның нинди сәбәптән аерылышканлыкларын ачыклаган.

Татарстан Рәисе Рөстәм Миңнеханов Татарстанда яшәүчеләрнең аерылышу сәбәпләрен ачыкларга кушкан. Премьер-министр урынбасары Ләйлә Фазлыева Казанда узган брифингта шул хакта сөйләп үткән.

– Аерылышуларга килсәк, республика Рәисе Рөстәм Миңнеханов соңгы биш елда Татарстанда аерылышу сәбәпләрен җентекләп анализларга кушты, – дип белдергән ул.
Фазлыева шулай ук бу проблема буенча республикада Гаилә елы һәм демографик проектлар кысасында тиешле чаралар күреләчәген билгеләп үткән.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!