Бүген Татарстан Республикасы буенча Эчке эшләр министрлыгының Юл хәрәкәте иминлеге дәүләт инспекциясенең төп бинасы каршындагы мәйданчыкта Татарстан медицина оешмаларына автомобиль транспорты һәм компьютер техникасы тапшырылды. Тантанасында Татарстан Рәисе Рөстәм Миңнеханов катнашты, дип хәбәр итә ТР Рәисе матбугат үзәге.
Медицина оешмаларына 100 Sollers Atlant ашыгыч медицина ярдәме һәм 40 Lada Aura җиңел автомобиль тапшырылды.
Тантана башланганчы Рөстәм Миңнехановка «КоттонВей» ҖЧҖ компаниясе продукциясе (медицина киемнәре), шулай ук турыдан-туры ашыгыч медицина ярдәме автомобильләре тәкъдим ителде. Татарстан Рәисе Lada Aura автомобиле белән дә танышты.
«Сәламәтлек саклау системасы – халык өчен бик әһәмиятле тармак. Монда иң мөһиме – белгечләр, табиблар, ләкин сезнең тиз, нәтиҗәле, сыйфатлы эшләвегез өчен эш коралларыгыз булырга тиеш», – диде Рөстәм Миңнеханов .
Рөстәм Миңнеханов хәбәр иткәнчә, бүген табиблар барлык кирәк-яраклар белән җиһазландырылган 100 ашыгыч медицина ярдәме автомобиле алды. Моннан тыш, республиканың медицина оешмаларына 40 җиңел автомобиль ачкычлары тапшырылды.
Татарстан Рәисе яңа автомобильләрнең тиз һәм арзан медицина хезмәте күрсәтүдә мөһим роль уйнаячагына ышаныч белдерде.
«Бу – тормышыбызны саклау һәм халкыбызның сәламәтлеген ныгыту өчен эшләнгән чираттагы чара», – диде ул.
Моннан тыш, бүген Татарстанның медицина оешмаларына ICL компанияләре җитештергән һәм «Ак Барс Созидание» хәйрия фонды сатып алган 5 мең берәмлек компьютер техникасы тапшырылды.
Сүз уңаеннан, хәзерге вакытта Татарстанда «Һәр кешегә сәламәтлек» төбәк проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез