09 сентябрь 2023 Яңалыклар

Рөстәм Миңнеханов ТР Хөкүмәт Йортында узган киңәшмәдә мөһим йөкләмәләр бирде

Рәис Рөстәм Миңнеханов Татарстан Республикасы Хөкүмәте Йортында узган республика киңәшмәсендә берничә йөкләмә бирде.

Иртәгә, 10 сентябрьдә, бердәм тавыш бирү көне булачак. Республикада җирле үзидарә депутатларын өстәмә сайлаулар узачак. 37 муниципаль берәмлектә 161 депутат сайланачак. Тавыш бирүне оештыруда 175 участок һәм 41 территория сайлау комиссиясе катнашачак.

"ТР Үзәк сайлау комиссиясе, муниципаль берәмлекләр башлыклары, хокук саклау органнары һәм Гадәттән тыш хәлләр министрлыгы бүлекчәләренә сайлау комиссияләренә закон таләпләре нигезендә югары оештыру дәрәҗәсендә тавыш бирүне үткәрүгә кирәкле ярдәм күрсәтергә кирәк. Сайлау участокларында һәм җәмәгать урыннарында иминлек чараларын тәэмин итәргә кирәк», - дип ассызыклады Рөстәм Миңнеханов.

Шулай ук Рәис үз вакытында һәм оешкан төстә җылыту сезонын башларга кушты. «Төзелеш, архитектура һәм ТКХ министрлыгына, районнар һәм шәһәрләр башлыкларына, тармак министрлыкларына һәм ведомстволарына кыска вакыт эчендә барлык объектларны да җылыту чорына әзерләргә кирәк. Соңгы срок - 15 сентябрь. Без салкыннар килгәндә җылыны җибәрергә әзер булырга тиеш. Беренче чиратта, бу социаль объектлар - хастаханәләр, мәктәпләр, балалар бакчалары, интернатлар", - дип игътибар итте Рөстәм Миңнеханов.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!