140нчы федераль закон нигезендә, 1 сентябрьдән электрон рәвештәге ташу документларыннан мәҗбүри файдалану гамәлгә кертелә. Яңалык автомобиль, һава һәм тимер юл транспортында йөк ташуга кагыла. Түбәндәге документлар мәҗбүри рәвештә электрон форматка күчерелә:
Экспедитор документлары: экспедиторга поручение, экспедитор һәм склад распискалары;
Һава транспорты өчен йөк накладное;
Транспорт накладнойлары;
Йөкләр ташуга заказлар (заявкалар).
Рәсмиләштерелгән барлык электрон документларны дәүләт мәгълүмат системасына (ГИС ЭПД) юлларга кирәк. Аның операторы – Россия Транспорт министрлыгы. Дәүләт мәгълүмат системасына махсус операторлар (ИС ЭПД) аша керәсе. Аларның исемлеге министрлык сайтына (https://mintrans.gov.ru/activities/214/376/377/380 ) урнаштырылган. Федераль салым хезмәте идарәсе, әлеге мәсьәләне тирәнтен өйрәнү өчен, бизнес һәм хакимият органнары вәкилләрен бушлай вебинарга чакыра. Чара 25 мартта уздырыла (10.00 сәгатьтә башлана). Темасы: “Электрон ташу документларыннан файдалануга күчү”. Тоташу өчен сылтама: https://vkvideo.ru/video-26433195_456248750.
Сүз уңаеннан, хәзерге вакытта Татарстанда “Белешмәләр икътисады һәм дәүләтнең цифрлы үсеш-үзгәреше” илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез