2022 елда Казанда узачак Дөньякүләм кышкы уеннарның рәсми эмблемасын тәкъдим итү тантанасында Рөстәм Миңнеханов та катнашты.
Россиядә бу уеннар тәүге тапкыр уздырылачак.
– Спортта чикләр юк. Илебез халкы тигез булуын искәртүче махсус Олимпиада хәрәкәте моны кабаттан раслый. Татарстанның бурычы – 2022 елгы кышкы уеннарны югары дәрәҗәдә, тарихта калырлык итеп уздыру, – диде Татарстан Президенты Рөстәм Миңнеханов.
Оештыручылар сүзләренә караганда, логотип сайлау өчен махсус бәйге оештырылган. 40тан артык гариза арасыннан танылган дизайнер Артемий Лебедев командасын сайлап алганнар.
– Әлеге логотипта Татарстанга карата хөрмәтебез билгеләре бар. Казанның символы – Зилант – шәһәрнең һәм килгән кунакларның сакчысын, ә бөек Идел рәсеме кулга-кул тотынышкан спортчыларны, аларның бердәмлеген күз уңаенда тотып ясалган, – дип аңлатты Махсус Олимпиаданың Россиядәге президенты Ольга Слуцкер.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез