Чаллының “Светлячок” 23нче балалар бакчасында “Мин – патриот” дигән ватанпәрвәрлек чарасы узды. Бер кызчыкның әтисе – махсус хәрби операциядә катнашучы ир-ат бәйрәмнең төп кунагына әйләнде.
Балалар һәм әти-әниләр Ватанга мәхәббәт һәм аны саклаучыларга ихтирам-хөрмәт булдыруга юнәлдерелгән уеннар, эстафеталарда һәм иҗади биремнәр үтәүдә катнашты.
“Мин үз флагымны күтәрәм” акциясе аерым бер хис-тойгылар уятты. Ул һәр балага үзен иксез-чиксез илебезнең бер өлеше итеп тою мөмкинлеге бирде.
Залда күтәрелгән флаглар горурлык, бердәмлек һәм теләктәшлек символына әйләнде, дип яза “Татар-информ”.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез