Табиб әйтүенчә, куркума, бәбрия (розмарин), петрушка, шпинат, рукола, сарымсак кебек тәмләткечләр күзәнәкләрнең тузуын акрынайта. Аш-су әзерләгәндә, алардан даими файдаланырга тырышу кирәк.
“Сарымсак кан тамырларын һәм канны чистарта. Токсиннарны юкка чыгара, эчтән җылыта”, – дип билгеләп үткән белгеч.
Ул шулай ук куркуманы күзәнәкләрне саклау өчен иң яхшы продуктлардан берсе буларак телгә алып үткән. “Бавырны чистарта һәм буыннарның сәламәтлегенә ярдәм итә”. – дип өстәгән профессор. Шулай ук куркуманың ялкынсынуга каршы үзенчәлеккә ия булуын әйткән.
Моннан тыш белгеч имбир һәм бәбриягә тукталып үткән. “Имбир – ашкайнатуны, бәбрия – кан әйләнешен яхшырта”, – дип өстәгән ул.
Профессор шулай ук аш-суга яшел тәмләткечләр – петрушка, шпинат, рукола өстәргә киңәш иткән. “Яшел тәмләткечләрне һәр көн кулланырга киңәш итәм. Яшьлекне озайту өчен иң гади чараларыннан берсе бу”, – дип басым ясап әйткән табиб.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез