«Мондый чекап гади, һәркем өчен дә мөмкин һәм күп вакыт алмый. Аны үтеп, сез урологик авыруларның 90%ын контрольдә тотуыгызга ышанычлы була аласыз. Әгәр дә сидек-җенес системасы органнары авыруы килеп чыкса да, бу тикшерү аны нәкъ менә организмга зур зыян китермичә, радикаль рәвештә дәвалап була торган стадиядә ачыкларга ярдәм итәчәк», – диде Малхасян «Радио 1» белән әңгәмәдә. Бу хакта «Татар-информ» яза.
Эксперт шулай ук бөер функциясе критик дәрәҗәдә кимегәндә генә бөер трансплантациясенә (күчереп утыртуга) мөрәҗәгать итәргә кирәклеген өстәде.
«Поликистоз – хөкем карары түгел, чөнки бөер функциясе критик дәрәҗәдә кимегән очракта да, бөерне күчереп утырту кебек вариант бар. Бу кешеләргә күчерелгән бөер белән дә нәтиҗәле тормыш алып барырга мөмкинлек бирә. Иң мөһиме – бу авыруның барлыгын белү, табиб күзәтүендә булу һәм әлеге чирне профильле белгеч контролендә тоту», – дип йомгаклады табиб.
Сүз уңаеннан, хәзерге вакытта Татарстанда «Һәр кешегә сәламәтлек» төбәк проекты гамәлгә ашырыла.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез