Тагын бер төн түзәргә: Татарстанда 40 градус салкын булачак

Бүген төнлә Татарстанда температураның 40 градуска кадәр төшүе көтелү сәбәпле, кисәтү игълан ителде.

Республика Гидрометеоүзәгеннән хәбәр ителгәнчә, 11 гыйнвар төнендә республикада -29... -34 градуска кадәр көчле суык булыр дип фаразлана. Кайбер районнарда термометрның терекөмеш баганасы -35... -40 градус күрсәтәчәк.

Шул ук вакытта иртәгә көндез әкренләп кенә җылыта башлаячак. Һава температурасы -16...-21 градуска, Татарстанның көнчыгышында -24 градуска кадәр күтәреләчәк.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!