Татарстанда танылган эшмәкәр, ТАССРның элекке финанс министры Рафаэль Минһаҗев 74нче яшендә каты авырудан вафат булган. Бу хакта KazanFirst хәбәр итә.
Чыганакта язылганча, элекке министр 1 ноябрь көнне Казанның Арча зиратында җирләнгән.
Минһаҗев – чыгышы белән Саба районыннан. Казан финанс-икътисад институтын һәм Мәскәү финанс институты аспирантурасын тәмамлаган.
1988-1990 елларда ТАССР Финанс министрлыгына җитәкчелек иткән. Шуннан соң Сәнәгать-төзелеш банкының Татарстан буенча идарәсе җитәкчесе итеп билгеләнгән. 90нчы елларда берничә банк – “Татпромстройбанк”, “Мета-Импэкс” һәм “ТатОНЭКСИМбанк” идарәсе рәисе булган.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез