Пермь краеның Барда районында XIV Бөтенроссия авыл Сабан туе кысасында концерт узды. Аның мактаулы кунаклары Пермь крае губернаторының беренче урынбасары Леонид Политов, Барда округы башлыгы Хәлил Алапанов һәм Татарстан Премьер-министры урынбасары Васил Шәйхразыев булды.
- Насыйп иткәч, Барда районына да килеп җиттек. Милләттәшләребезне күрүгә бик шатбыз. Татар халкы бер очрашу - үзе бер гомер, ди. Без Татарстанда, төбәкләрдә очрашканда чараларыбызны гел «Туган тел» белән бетерәбез. Әйдәгез бүген дә үзебезнең гимн белән ачып җибәрик әле, - диде дә Васил Шәйхразыев, күркәм гадәте буенча сәхнәдән халыкны җырлатты.
Милли шура рәисе авыл Сабан туена да, районның 100 еллыгына да бик нык әзерлек алып барылганын әйтте.
- Аңлавы, ярдәм итүе өчен Пермь крае губернаторы Дмитрий Николаевичка бик зур рәхмәт. Автономияләребездәге җитәкчеләрнең абруе зур булганга, бер берсе белән дус булып эш иткәндә алга барабыз, - диде ул.
Иртәгә Пермь краеның Барда авылында XIV Бөтенроссия авыл Сабантуе узачак.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез