18 февраль 2026 Яңалыклар

Татарстан белән Минск өлкәсе 2026-2027 елларга уртак чаралар планын раслады

Бүген Казан Кремлендә Татарстан Республикасы Хөкүмәте һәм Минск өлкә башкарма комитеты арасында 2026-2027 елларга чаралар планы имзаланды. Бу хакта ТР Рәисе матбугат хезмәте хәбәр итә.

Документка Татарстан Рәисе Рөстәм Миңнеханов һәм Минск өлкә башкарма комитеты Рәисе Алексей Кушнаренко кул куйды, дип яза Татар-информ.

2026-2027 елларга чаралар планы Татарстан белән Минск башкарма комитеты арасында сәүдә-икътисади, фәнни-техник, социаль-мәдәни һәм гуманитар өлкәләрдә хезмәттәшлек турында килешүне гамәлгә ашыру кысаларында кабул ителде (2019 елның 12 декабре).

Имзалау тантанасына кадәр Рөстәм Миңнеханов һәм Алексей Кушнаренко төбәкара дәрәҗәдә хезмәттәшлекне үстерү мәсьәләләре буенча фикер алыштылар.

Аннары очрашу киңәйтелгән составта узды. Искәртәбез, Минскидан (Беларусь Республикасы) коллегалар делегациясе Казанга эш сәфәре белән килгән. Программа кысаларында делегация әгъзалары республиканың кайбер предприятиеләре эше белән танышты, Б. Рәмиев исемендәге ИТ-паркта булды, шулай ук төбәк министрлыкларында эшлекле очрашулар узды.

Рөстәм Миңнеханов очрашу барышында ассызыклаганча, бүген Татарстан Белоруссия партнерлары белән иң киң мәсьәләләр буенча хезмәттәшлек итә. Бу шул исәптән нефть химиясе, машина төзелеше, транспорт, агросәнәгать комплексы, экология өлкәсе, төзелеш һәм башка тармаклар.

Сүз уңаеннан, хәзерге вакытта “Нәтиҗәле конкурентлыкка сәләтле икътисад” илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

минниханов, миңнеханов, " нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"