Хәзер алар барлык эшмәкәрләрнең 41 процентын тәшкил итә. Татарстан эшмәкәр хатын-кызлар саны буенча лидерлар рәтенә кергән, дип хәбәр итә ТР Икътисад министрлыгы матбугат хезмәте.
Хәзерге вакытта Татарстанда 116,5 мең шәхси эшмәкәр теркәлгән.
Эшмәкәр хатын-кызлар арткан төбәкләр арасына шулай ук Мәскәү, Санкт-Петербург, Карачай-Черкес Республикасы һәм Тыва Республикасы кергән.
Бүгенге көндә Россиядә якынча 1,9 млн хатын-кыз шәхси эшмәкәр исәпләнә. Тагын 6,5 миллионга якын хатын-кыз үзмәшгульләр буларак теркәлгән, аларның гомуми санның 44 процентын тәшкил итә.
Хатын-кыз эшмәкәрләрнең күбесе социаль хезмәтләрдә – 84 процент, кием җитештерүдә – 72 процент, туризм өлкәсендә – 71 процент, мәгарифтә – 70 процент, юридик һәм бухгалтерлык хезмәтләрендә – 67 процент, ветеринариядә – 60 процент, иминиятләштерүдә – 60 процент һәм персонал белән идарә итүдә (HR) – 58 процент.
Татарстан Икътисад министрлыгы «Нәтиҗәле һәм конкурентлы икътисад» илкүләм проекты кысаларында хатын-кыз эшмәкәрләргә һәрвакыт комплекслы ярдәм күрсәтергә һәм бизнесны эшләтеп җибәрү яки аны масштаблаштыру этабында ярдәм итәргә әзер, дип ышандырды ведомство җитәкчесенең беренче урынбасары – эшмәкәрлекне үстерү департаменты директоры Наталья Кондратова.
Республика эшмәкәрләре һәм үзмәшгульләре уңайлы шартларда микрозаймнар, гарантияләр, грантлар, милек ярдәме һәм башка хезмәтләрдән файдалану мөмкинлекләре булуын искәрттеләр министрлыкта.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез