Казанда полиция хезмәткәрләре аракы кибете кассасыннан акча урлаган ир-атны тоткарлаган. Идел буе районында урнашкан кибет кассасыннан акчаның юкка чыгуы турында кассир хәбәр иткән.
Баксаң, ир сәүдә ноктасына тәрәзәсен ватып кергән. Кассадагы акчаны һәм азык-төлек урлап, чыгып качкан. Бу хакта “Татар-информ” Россия Эчке эшләр министрлыгының Казан буенча идарәсе матбугат хезмәте мәгълүматларына таянып хәбәр итә.
Җинаятьчеләрне эзләү бүлеге хезмәткәрләре оператив-эзләү чаралары барышында 47 яшьлек ир-атны тоткарлаган. Ул полиция бүлегендә үз гаебен таныган. Угры инде моңа кадәр дә урлау, талау, наркотикалар саклау очраклары буенча “утырып” чыккалаган.
Җинаять эше кузгатылган.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез