Татарстанда яңа уку елы явым-төшемсез, эссе көннәрдән башлана

Россиянең Европа территориясендәге күпчелек өлеше, шул исәптән безнең республика антициклон йогынтысында калуын дәвам итә. Якындагы көннәрдә җылы, коры һава саклана. Әмма һава температурасы берникадәр төшәчәк. 30, 31 август һәм 1 сентябрьдә көндез һава температурасы +20...+25 градус чикләрендә тирбәләчәк. 30 августта төнлә +8...+13, 31 август һәм 1 сентябрьдә +6...+11 градус.

Гидрометеоүзәкнең башлангыч фаразына караганда, киләсе атна башында – 2-3 сентябрьдә дә явым-төшем көтелми. Көндез термометрның терекөмеш баганасы +22...+27 градус күрсәтәчәк. Төнге сәгатьләрдә +4...+11 градус.

Җылы, явым-төшемсез көннәрнең озакка сузылуы сәбәпле, урманнарда янгын куркынычы арткан. Татарстанда 31 августтан 7 сентябрьгә кадәрге чорда урманнарда урыны белән югары дәрәҗәдә (4 класс) янгын куркынычы көтелә.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!