Татарстанда яңгыр, яшен һәм көчле җил көтелә

Якшәмбе көнне, 24 майда, Татарстанда алмашынучан болытлы һава, көндез урыны белән яшенле кыска вакытлы яңгырлар узачак. Бу хакта республиканың Гидрометүзәктә хәбәр иттеләр.

Көньяк-көнбатыш һәм көнбатыш җилнең тизлеге секундына 6-11 метр тәшкил итәчәк. Көндез тизләнеш секундына 15-20 метрга җитәчәк.

Төнлә һава температурасы 7-12 градус. Көндез 22-27 градус.

Казанда да алмашынучан болытлы һава, урыны белән кыска вакытлы яңгыр булуы мөмкин. Җил көньяк-көнбатыштан һәм көнбатыштан секундына 6-11 метр, урыны белән җилнең тизлеге секундына 15-17 метр җитәчәк. Башкалада көндез максималь температура 24-26 градус.

БЕЗНЕҢ МАКС КАНАЛЫНА ЯЗЫЛЫГЫЗ!