Татарстанда юллар төзекләндерүгә 1,5 миллиард сум бирелә

“Главтатдортранс” оешмасы Татарстанда барлыгы 1,5 миллиард сумга берничә автомобиль юлын төзекләндерүне күздә тота. Дәүләт сатып алулар порталына бу җәһәттән тендерлар урнаштырылган.

Беренче тендер – Лаеш районында 250 миллион сумга Саескан Тавы – Шәле автомобиль юлын төзекләндерү. Эшләрне 24 октябрьгә кадәр төгәлләү күздә тотыла. Акча Татарстан бюджетыннан биреләчәк.

Икенче тендер – Аксубай районында 156 миллион сумга Аксубай – Федоровка автомобиль юлын төзекләндерү. Эшләрне 21 ноябрьгә кадәр төгәлләү планлаштырыла. Акча Татарстан казнасыннан һәм федераль бюджеттан бирелә.

Өченче тендер – Мамадыш районында 151 миллион сумга Мамадыш шәһәре урау юлын ремонтлау.
Дүртенче тендер – 96 миллион сумга берьюлы өч объектны ремонтлау. Болар – Алабуга районында Алабуга – Лекарево – Зур Армалы, Кукмара районында Лубян – Бажениха һәм Менделеевск районында М7 «Волга» – Бәзәкә автомобиль юллары. Төзекләндерү эшләрен төгәлләү срогы – 12 августка кадәр. Акча Татарстан казнасыннан һәм федераль бюджеттан бирелә.

Бишенче тендер – Чистай районында 287 миллион сумга Чистай – Түбән Кама автомобиль юлын ремонтлау. Эшләрне 20 октябрьгә кадәр төгәлләү каралган. Акча Татарстан казнасыннан һәм федераль бюджеттан бирелә.

Алтынчы тендер – барлыгы 509 миллион сумга ике объектны төзекләндерү. Болар – Түбән Камада Лесная урамында – Мурадьян урамыннан Гагарин урамына кадәр –автомобиль юлы, Шушы ук шәһәрдә Студентлар урамында –Корабельная урамыннан Р.Гайнуллин урамына кадәр – автомобиль юлы. Эш ике этапта 20 ноябрьгә кадәр төгәлләнергә тиеш. Акча Татарстан бюджетыннан бирелә.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!