Татарстанда көчле җил һәм яшенле яңгыр көтелә

Татарстан Республикасы территориясендә 21 июльдә төнлә һәм чәршәмбе көнне көндез урыны белән яшенле яңгыр, секундына 15-20 метрга кадәр кыска вакытлы җил (Казанда — төнлә һәм иртән) көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

ТР Гидрометеорология үзәге фаразлары буенча, көндез 26...31, төнлә 16...21 градус җылы була.