Татарстанда төзелеп килүче юлның рәсми исеме пәйда булган

Казанның Совет районында төзелеп килүче юлга рәсми төстә “Вознесение тракты” дигән исем бирелгән. Шәһәр башкарма комитетының бу җәһәттән карары мэрия сайтына урнаштырылган, дип яза “Татар-информ”.

“Казанның Совет районындагы трактка (Гвардейская урамыннан “Волга” М7 автомобиль юлына кадәрге юл) “Вознесенский тракты” дигән исем бирергә”, – диелгән документта.

Яңа юл республика башкаласының адреслар планына һәм Казан урамнары атамалары реестрына (2016 елда башкарма комитет карары белән расланган) кертелергә тиеш.
Вознесение трактының беренче өлеше – Гвардейская урамыннан Җиңү проспектына кадәрге участогы октябрь урталарында ачылачак.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!