Росреестрның Татарстан буенча идарәсе Туризм буенча дәүләт комитеты һәм башка ведомстволар белән бергәләп, 98,5 гектар мәйданда туризмны үстерү өчен 18 җир участогы тәгаенләгән.
Аларның күбесе Лаеш районында урнашкан: барлыгы 15 участок. Берәр участок Арча, Мамадыш һәм Алабуга районнарында. Соңгысы 2,5 гектар мәйдан “Алабуга шәһәрчеге” тарихи-археологик комплексы янәшәсендә.
18 участокның 5есендә эш башланган иде. 7,3 гектар җир арендага алынган. Аларның барысы да Лаеш районындагы “Чулман диңгезе" тирәсендә.
- Татарстанда “Туризм өчен җир” программасын тормышка ашыру кысасында буш җирләрне әйләнешкә кертү буенча актив эш дәвам итә, - ди бу җәһәттән Росреестрның Татарстан Республикасы буенча идарәсе җитәкчесе урынбасары Нияз Галиәкбәров. - Туризм өчен җәлеп ителәчәк җирләр инде кадастр картасы сервисына кертелгән.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез