Татарстан биометрик мәгълүматлар буенча мәктәп бусагасы аша үткәрү мөмкинлеген булдырган тәүге төбәкләрнең берсенә әйләнгән. Бүгенгә 20 мәктәптә шундый технология урнаштырылган инде. Россия вице-премьеры – Хөкүмәт аппараты җитәкчесе Дмитрий Григоренко шулай дип белдергән.
– Россиянең тәүге төбәкләреннән берсе буларак, Татарстанның 20 мәктәбендә йөзне биометрия ярдәмендә тану нигезендә мәктәпкә кертү сервисы булдырылган, – дигән Григоренко Казандагы форумда журналистларга.
Вице-премьер әйтүенчә, мәктәпкә биометрия ысулы белән кертү уңайлылык тудыру гына түгел, бәлки баланың кайда икәнлеген күзәтеп тору мөмкинлеге биреп, иминлекне дә көчәйтә. Григоренко басым ясап әйткәнчә, биометриядән файдалану – ихтыяри эш, һәм ул фәкать ата-аналар рөхсәте белән генә гамәлгә ашырыла.
Сүз уңаеннан, хәзерге вакытта Татарстанда “Белешмәләр икътисады һәм дәүләтнең цифрлы үсеш-үзгәреше” илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез